Төтенше жағдайлар қызметіне кеше сағат 17.28-де Арал ауданы Жаңақұрылыс ауылында тұратын азаматтың суға кеткені жөнінде хабарлама түсті. Бұл туралы Aikyn.kz Қызылорда облыстық Төтенше жағдайлар департаментіне сілтеме жасап хабарлайды.
«1979 жылы туған азамат қой бағып жүріп, «Жарма» суармалы каналына суға түсіп, батып кеткен. Ауыл тұрғындары мәйітін судан шығарды», – деді департамент өкілі.
Өңірде жыл басынан бері 22 адам суға кеткен, оның 6-ы бала.
Бұған дейін Шымкентте бала субұрқақтың суына тұншығып көз жұмғаны туралы жазған болатынбыз.