«Астана Моторс» құрамына кіретін брендтің ресми дистрибьюторы Алматыда өткен жабық баспасөз мәслихатында жаңа модель туралы айтты.
CHERY TIGGO 2 – қолжетімді, практикалық шағын кроссовер. TIGGO 2 стильді және заманауи дизайнға, жақсы кросс мүмкіндігіне, тиімділікке, жайлылық пен қауіпсіздіктің жоғары деңгейіне ие. TIGGO 2 1,5 л атмосфералық қозғалтқышпен жабдықталған. 109 а.қ қозғалтқыш қуатын барынша тиімді пайдалануға мүмкіндік беретін CVT вариаторы көліктің мүмкіндігі жоғары екенін көрсетеді.
CHERY TIGGO 2 жергілікті жағдайларға бейімделген: салонда кондиционер және жылытылатын алдыңғы орындықтар орнатылған. TIGGO 2 мультимедиялық жүйесі Apple CarPlay және QDlink дауыстық басқаруымен, 4 динамикті аудио жүйесімен біріктірілген. Көлік орталық құлыппен, электр терезелерімен, артқы көрініс камерасымен және тұрақ сенсорларымен жабдықталған.
Күнделікті ұтқырлықтан басқа, TIGGO 2 иесіне күнделікті пайдаланғанда да, сатып алу кезінде де стиль, сенімділік, қауіпсіздік пен үнемділік береді.
«Алғашқы 300 көлікті 7 млн теңгеге сатып алуға болады, бұдан әрі бұл акция Trade in бағдарламасы бойынша автокөлік сатып алу үшін таратылатын болады. Бір түсті көліктің құны 7,49 млн теңге, екі түсті көлік - 7,69 млн теңге. Көлік Қытайдан әкелінсе де, ол үшін барлық салықтар мен баждар төленсе де, біз қазақстандық нарықта осындай тартымды бағаларды ұсына алдық. Біз TIGGO 2 моделін қазір салынып жатқан және 2025 жылы іске қосылатын Astana Motors Manufacturing Kazakhstan жаңа мультибренд зауытында шығаруды жоспарлап отырмыз. Тиісінше, қазақстандық өндірісте бұл көліктің құны локализация есебінен төмендетілетін болады», - деп дистрибуция директоры Нұрлан Шамгонов атап өтті.
CHERY ресми дистрибьюторы First Motor Group Қазақстан нарығында 2021 жылдың желтоқсан айынан бастап жұмыс істейді. Компанияның дилерлік орталықтары барлық TIGGO желісін ұсынады.
«Біздің сатылым статистикасы қазақстандықтардың үлкен көліктерді ұнататынын көрсетті, әсерлі 8 PRO мен 7 PRO сатылымдардың басында тұр. Бірақ нарықтағы тұтынушылық аудитория бірте-бірте өзгеруде, заманауи, стильді, ықшам, экологиялық таза, сонымен бірге қымбат емес көлікті қажет ететін жастар көбейіп келеді. Сондықтан салондарымызға ең кішкентай «жолбарысты» әкелуді жөн көрдік. Оның техникалық қасиеттері мен көңілге қонымдылығы көпшіліктің ойынан шығатынына сенімдімін», – деп Нұрлан Шамгонов түсіндірді.
CHERY TIGGO 2 сатылымы 25 шілдеде басталды. Модель премиум базасында сатылады, қосымша ақыға сіз көліктің екі түсіне тапсырыс бере аласыз.
Сіз Қазақстан бойынша ресми CHERY дилерлерінде көлікпен жақынырақ танысып, тест-драйвқа жазылуға мүмкіндігіңіз бар.