Өңірде сайлауалды бағдарламалардың орындалысы мен басқа да мәселелерді шешу қалай жүзеге асып жатқаны туралы «AMANAT» партиясы Қарағанды облыстық филиалының төрағасы Бекзат Алтынбековтен білген едік.
«Іс-шараларды орындауға 1,2 трлн теңге жоспарланған, оның ішінде республикалық бюджет пен Ұлттық қордан 383,9 млрд теңге, жергілікті бюджеттен 447,8 млрд теңге, басқа көздерден 364,3 млрд теңге», – дейді Бекзат Қомарұлы.
Ал «Халықтың табысын арттыру», «Жастарды қолдау», «Туризм саласындағы әлеуетті дамыту», «Агроөнеркәсіптік кешендегі шаралар», «Өмір сапасын жақсарту (білім беру, денсаулық сақтау, спорт)», «Өмір сүру жағдайын жақсарту (тұрғын үй құрылысы, инженерлік-коммуникациялық инфрақұрылым салу, көлік байланысы, сумен, газбен және жылумен қамтамасыз ету, жас мамандарға арналған әлеуметтік бағдарламаларды дамыту, азаматтардың қауіпсіздігін қамтамасыз ету)», «Экологиялық жағдайды жақсарту және партиялық жобаларды іске асыру» бойынша да жоспарлар құрылып, жүзеге асырылуда. Сонымен қатар биылғы жылы Республикалық сайлауалды штаб өкілдерінің сапары кезінде бірнеше хаттамалық тапсырма берілген болатын. Солардың бірі – «Жылдық 5% жеңілдікті ипотека ұсынатын жас мамандар, кеншілер мен металлургтер үшін Өңірлік Ипотекалық бағдарламаларды іске асыруды ұйымдастыру».
«Өңірімізде аталған бағдарлама «Отбасы банк» АҚ-мен бірлесе жүзеге асырылуда. Биыл Қарағанды, Балқаш, Теміртау, Саран қалаларын қамти отырып, жылпы саны 196 жеңілдетілген несие берілмек. Жыл сайын облыстық бюджеттен – 1 млрд теңге, жергілікті бюджеттен – 1,4 млрд теңге, банк тарапынан – 1,1 млрд теңге қарастырылған. Хаттамалық тапсырмалар Жол картасына енгізілген. Әр тармақ бойынша жауапты облыстық фракция депутаты белгіленіп, өңірдің басқарма басшыларымен және облыс әкімінің орынбасарларымен келісіліп, саяси бюро отырысында бекітілген», – дейді филиал төрағасы.
Жалпы, Жол картасын іске асыру бойынша жұмыстар партиялық бақылауда. Ал қоғамдық қабылдауға азаматтар күнделікті жүгінеді. Жыл басынан бері қоғамдық қабылдау бөліміне 1,5 мыңнан аса өтініштер мен ұсыныстар келіп түскен. Сонымен қатар облыстық мәслихат депутаттары, басқарма басшылары, «Құқықтық көмек» партиялық жобасы аясында заңгерлер, медиаторлар, адвокаттар, сот орындаушылар облыстық филиал жанындағы қоғамдық қабылдау бөлімінде кестеге сәйкес қабылдаулар өткізіп отырады. Биыл мобильді қоғамдық қабылдау Абай, Нұра, Осакаров және Шет аудандарының шалғай ауылдық елді мекендерінде өтті.
«Барлық өтініштер уақыты жауабын тауып, мемлекеттік орындаушы органдармен бірлесе шешіледі. Сонымен қатар партияға қабылдау да жүзеге асуда. Мәселесі оң шешілген азаматтар партияға ризашылығын білдіріп, мүшелікке өтіп жатқандар қатары да аз емес. Жыл басынан бері бір мың адам партияға қосылды. Сондай-ақ Қарағанды облысы бойынша бүгінге дейін 166 ауылдық округ әкімдерінің 12 елді мекенде сайлауы өтті, олар 3 – кент, 2 ауыл және 7 ауылдық округ. Дауыс беру қорытындысы бойынша барлық жерде «AMANAT» партиясының кандидаттары жеңіске жетті. Бұл тағы да халықтың партияға деген сенімін көрсетеді», – дейді Бекзат Қомарұлы.
Бүгінгі таңда 272 бастауыш партия ұйымында 33 777 партия мүшесі бар. 5 айдың қорытындысы бойынша партиялық жарналар 32 042,4 мың теңге немесе жоспардың 79%-ын құрады. Жалға беру бойынша кіріс – 11 766,1 мың теңге немесе жоспардың 103,7%-ын құрады. Сонымен бірге Партиялық жобаларды жүзеге асыруда жастар, студенттер, еріктілер белсене қатысады. Бұл ретте «Ардагерлерді ардақтайық», «Таза лайк», «Бір толқында», «Жастарға жұмыс» және басқа да жобалар бойынша «Жастар Рухы» Жастар қанаты облыстық филиалының жұмысы жүйелі жүргізілуде. Мәселен, олар қоғамда болып жатқан жағдайларға бейжай қарамай, азаматтық танытып, Семейде өрттен зардап шеккендерге гуманитарлық көмек жинауды да ұйымдастырды.
Әдебиет БЕЛГІБАЙҰЛЫ.
Қарағанды облысы