Атырау облысы Полиция департаментінің хабарлауынша, 1 тамызға қараған түні сағат 03:00 шамасында Құлсары қаласында 2003-2004 жылы туған жасөспірімдер арасында жанжал болып, 2004 жылы туған бір тұрғын жарақат алды.
Құқық бұзушылыққа жол берген барлық азаматтар анықталып, ұсталды. Үш күдікті де қамауға алынды.
Төбелеске қатысушылардың іс-әрекетіне құқықтық баға беріледі. Оқиғаның себебі мен мән-жайы анықталады.
ҚР ҚК 106-бабы 2-бөлігі және ҚР ҚК 293-бабына сәйкес бұзақылық дерегі бойынша сотқа дейінгі тергеу жүргізіліп жатыр.
Баян Жанұзақова