Алматының қылмыстық істер жөніндегі мамандандырылған ауданаралық сотында алдын ала тыңдау барысында базар қызметкерін қатыгездікпен өлтіру және бөлшектеу туралы мәліметтер айтылды, - деп хабарлайды zakon.kz.
Әйелдің басы кесілген денесі 2023 жылдың сәуір айының соңында қараусыз қалған ғимараттың жанынан табылды, қылмыскер құрбанының басын дүкенде қалдырған.
Сот судья Мартпек Кәкімжановтің төрағалығымен ашық режимде өтуде. Сотталушы 61 жастағы - Асхат Иманқұсов. Ол да, жәбірленуші тарап та камералардың түсіруіне қарсы болды.
Сотталушы Қарағанды облысында дүниеге келген, Алматыда тұрған, жесір қалған, бұрын сотталмаған. Оқиғаға дейін ол заң қызметімен айналысқан.
Прокурор Мақсат Кеңес Асхат Иманқұсовтың не үшін айыпталғанын айқындайтын айыптау актісін оқыды.
«Иманқұсов тұрақты тұрғылықты жері жоқ, кісі өлтірді. Ол қылмыстық жоспар құрып, оны ерекше қатыгездікпен жасады.
Тұрақты тұрғылықты жері жоқ Оксана Айбатулина алкогольге әуес болды. Асхат Иманқұсов түнейтін жер іздеп, оған Сейфуллин атындағы саябақта кездесуді ұсынды. 10 сәуірде олар кездесті. Бірақ сол күні әйел оның айуандық әрекетін жасауға мүмкіндік бермеді. 11 сәуір, яғни келесі күні олар қайтадан кездесті. Ол қылмысқа алдын ала дайындалды. Қылмыскер құрбан болған әйелдің басын кесіп, сөмкеге салу үшін кездесуге дейін пышақ пен сөмкені дайындап қойған. Әйел ештеңе білместен достарымен бірге алкоголь ішкен. Кейін олармен қоштасып, артынша сотталушымен кездесті. Ол өзінің жоспарына сай әрекет етті. Әйел оған түнеуге рұқсат берді. Бірақ қылмыскер күтпеген жерден пышақты алып, тамағына батырып, басын кесіп тастады. Ол оны бөлшектеп, басын алып, қылмыс орнынан кетті. Келесі күні ол оның басын жұмысына апаруға шешім қабылдады, әйел шұжық бөлімінде дүкенде жұмыс істеді. Базарға келіп, бетпердені, көзілдірікті киіп, сөмкені үстелге тастап кеткен.
Иманқұсов өзінің қылмысын жасырды, ал марқұмның досына қайғылы жағдай туралы әлеуметтік желіден естігенін айтқан», - деді мемлекеттік айыптаушы.
Сараптама көрсеткендей, марқұм қан жоғалтудан қайтыс болды. Оның денесінде кесілген іздер бар.
Сондай-ақ мемлекеттік айыптаушы автобустың бейнежазбасына қылмыс болған жерге жақын маңда Иманқұсовтың бейнесі түскенін атап өтті. Бұдан бөлек, полиция иттері өлтірілген адамның денесіндегі күдіктінің иісін, сондай-ақ оның заттары мен сөмкелерін анықтады.
Өз кезегінде сотталушы қылмысқа қатысы жоқ екенін айтты.
«Бәрі ойдан шығарылған. Айыптаумен келіспеймін. Мен қазір өзімді нашар сезінудемін, ауырып жүрмін, операция жасатуым керек, сондықтан сотты кейінге қалдыруды сұраймын», - деді айыпталушы.
Сот шешім қабылдау үшін кеңесу бөлмесіне шығып, артынша келесі сот отырысы 22 тамызда алқабилермен өтеді деп шешті. Сотталушы қамауда болуын жалғастырады.