Оңтүстік Кореяға заңсыз кіріп, әуежайдан қашқан екі қазақстандыққа қатысты сот үкімі шықты. Олар айыппұл төлеп, елге қайтады.
«Бұл - Қазақстанның халықаралық тағы бір беделді жеңісі. Енді Кореядағы екі жігіт 3 жылға түрмеге тоғытталмай, айыппұл төлеп, елге қайтатын болды. Айтар, жазар нәрселер өте көп. Бірақ әлі бітіретін шаруалар жетіп жатыр. Алла қаласа амандықта жүздесейік», - деп жазды қорғаушы Instagram желісінде.
Наурыз айының соңында екі қазақстандық Оңтүстік Кореяға кіруге тыйым салынғанына қарамастан, онда заңсыз кірген болатын. Артынша олардың Кореядағы тергеу изоляторында отырғаны белгілі болды.