Әнші бірнеше кеңесін ұсынған.
"Қыз ұзатуда:
1) Иығына қызыл орамал тақпай-ақ қойыңыздаршы;
2) Ұзатылар алдындағы қызға батаны сәукелені кигізіп болған соң берсінші;
3) Құрбыларына тарататын үкіні тойдың ортасынан сәл асқанда таратсыншы аяғына қалдырмай;
4) Ақ жолдың үстімен кетіп бара жатқанда тек туған ата-анасы мен туған бауырлары ғана құшақтап сүйсінші;
5) Ұзатылар алдында құдаларды сыртқа шығарып жіберетіндер бар. Шығармаңыздар. Олар да ұзату рәсімін көріп қыз бен жігітпен бірге шықсын;
6) "Бақытты боламын деп барма,сол әулетті бақытты етемін деп бар" деп слишком ауыр жүк артып тілек айтпаңыздаршы;
Қыз бақытты болса әулет те бақытты болады ғой.
7) Ұзату тойын жағдайыңыз жетсе жасаңыз. Жетпесе, қиналып кредитке кірмеңіз. Ұялатын заман емес. Тойсыз-ақ бақытты отбасы болып жүргендер көп...
Ойыма ой қоссаңыздар болады!" – деп жазды әнші.
Оқырмандар "Тағы бір мәселе, күйеу жігіт қайынжұрттың көзінше қалыңдықты көтеріп кетпесін. Өте әдепсіз қылық, елден ұят болады" деп ұзату тойындағы ерсі әрекеттерге қатысты пікірлерін, ұсыныстарын білдірді.