Жетісу облысында жедел жәрдем көлігі жол жиегінде тұрған жүк көлігіне соқтығысып, екі адам көз жұмды.
Облыстық полицияның хабарлауынша, Ақсу ауданында жергілікті маңызы бар «Көлтабан-Матай» тасжолында жедел жәрдем машинасы мен «Урал» жүк көлігі соқтығысты. Жол апатынан екі адам қаза тапты.
«Жол-көлік оқиғасына жедел жәрдем машинасының 57 жастағы жүргізушісі кінәлі екені алдын ала анықталды, ол рульге ие бола алмай қалып, жол жиегінде тұрған жүк көлігімен соқтығысқан. Апат салдарынан жедел-жәрдем машинасының жүргізушісі мен 54 жастағы жергілікті фельдшер оқиға орнында қайтыс болды.
Аталған факті бойынша қажетті сараптамалар тағайындалып, сотқа дейінгі тергеу амалдары басталды», – делінген хабарламада.
Фото: azattyq-ruhy.kz