Матчтың 25-минутында Бернард Текпетей есеп ашты, ортаға ығысып, дәлдік танытты. Бірақ «Астана» қажетті есепке төрт минуттан соң қол жеткізе алды – Дембо Дарбо таразы басын теңестіріп тастады. Командалар үзіліске дәл осы есеппен кетті. Ал екінші таймда тек болгариялықтар гол соқты. 47-минутта Якуб Пётровский алыстан жақын бұрышты дәл көздеді. Екі минуттан соң Текпетей оң қанатта екі қорғаушыдан өтті де, алыс тоғыздыққа жойқын соққы жасады – Йосип Чондрич тағы да шарасыз қалды. 58-минутта Якуб Петровский дубль жасаса, артынша Кирил Десподов та қанжығасын майлады. Осылайша, 5:1 есебімен жеңген болгариялық клуб Еуропа лигасының плэй-офф кезеңіне шықты. Онда енді нидерландтық «Аякспен» күш сынасады.
Ал «Астана» енді жарыс жолын Конференция лигасында жалғастырады. Турнирдің плэй-офф кезеңінде елордалықтар албаниялық «Партизанимен» күш сынасады.