Үш жасар баланың қолы электр тогына қосылып тұрған еттартқышқа кептеліп қалды. Бұл туралы Aikyn.kz Шымкент қалалық ТЖД баспасөз қызметіне сілтеме жасап хабарлайды.
Ата-анасының айтуынша, еттартқышпен жұмыс істеген кезде бала қасында болған. Дәрігерлер баланың қолын еттартқыштан шығара алмай, құтқарушыларды шақырған. Құтқарушылар дәрігерлерге баланың қолын еттартқыштан босатуға көмектесті.
Төтенше жағдай қызметкерлері авариялық-құтқару құралының көмегімен еттартқыштың корпусын мұқият кесіп, баланың қолын босатты. Бұл кезде баланы наркоз арқылы ұйықтатып қойған.
Қазіргі уақытта бала №1 қалалық балалар клиникалық ауруханасында жансақтау бөлімінде жатыр.
Фото: Шымкент қаласы ТЖД баспасөз қызметі