Орал қаласында «Шаңырақ» жасөспірімдер үйінің тәрбиеленушілері көшуге наразылық білдіріп, шатырдың үстіне шығып алды, деп хабарлайды «Мой город» порталы.
11 қыркүйекте балалар үйінен кейін жетімдер тұратын «Шаңырақ» жасөспірімдер үйінің бірнеше тұрғыны көшуге қарсылық білдіріп, шатырға шықты. Олар әкімдік кепілдік міндеттеме алмайынша, бұл арада көшуге ниетті емес екендіктерін айтады. Осылайша олар күрделі жөндеуге жабылмақ апатты үйдегі жалғыз баспанасынан айырылып қалмауға тырысуда.
«Жұма күні бізге сәрсенбіге дейін көшу керектігімізді айтты. Бүгін 11-де бізге құжаттарымызды әкеліп беруі керек болатын, бірақ бізге тек үйден шығаруды құлақтандыратын қағаз берді. Яғни, кейін осында оралатынымызға кепілдік жоқ, сондықтан біз қарсымыз. Біз балалармен бірге көшеде қаламыз ба деп қорқамыз», - дейді Шаңырақ тұрғыны Кристина Арыстанғалиева.
Наразылық білдірген бірнеше адам ғимараттың төбесіне көтеріліп, тұрғындарға кепілдік міндеттемелерін беру және шаңыраққа кері қоныстануды қамтамасыз ететін шарттар жасау үшін облыс пен қала әкімінің келуін талап етті. Мұндағы бөлмелер олардың жалғыз баспанасы, басқасын алуға ешкімнің ақшасы жоқ.
Оқиға орнына Орал қаласының әкімі Миржан Сатқанов келіп, жиналған қауыммен сөйлесіп, келісімшарттар ұсынуға уәде берді.