Оның айтуынша, елімізде бензин бағасының болжамы бірқалыпты.
«Ресей Федерациясындағы мүмкін болатын бағаны қоспағанда, бағаның өсуіне алғышарттар жоқ. Қазіргі уақытта Қазақстанда сұраныс пен тұтыну теңгерілген, дизель отынына қажетті мұнай өнімдерінің қоры қалыптастырылды. Жанармай – шамамен бір ай мерзімге, 92 және 95 бензиндері үшін – 25 күн деңгейінде. Сонымен қатар мұнай өнімдерінің осы түрлерін өндіруді ескере отырып, біз тапшылықты күтпейміз», – деп атап өтті ол.
Сонымен қатар министр Ресей Федерациясында орын алып отырған мұнай өнімдеріне жұмсалған шығындарды өтеу көлемінің төмендеуіне байланысты белгілі бір тәуекелдер бар екенін атап өтті.
«Бұл жерде импорттық жанармай бағасының өсуі мүмкін тәуекелдер бар. Ол ішкі нарықтағы бағаларға пропорционалды әсер етеді. Әзірге біз қалыптастырған резервтерге сүйене отырып, елімізде өндірілетін өнімдерге назар аударып отырмыз», – дейді Алмасадам Сатқалиев.