Жамбылдық А. ЛГБТ өкілдері, педофилдер, зорлаушылар отырған камерада болған. Мұны «тұтқындардың ең төменгі кастасы» деп атайды. 2022 жылдың қараша-желтоқсанында оларға педофил Л. келген. Ал ақпан айында камераға психологиялық-психиатриялық сараптамадан өту үшін қарағандылық Ж. қамалған.
Сотта Ж. трансгендер екенін айтты. Сондықтан ол басқа еркектермен бірге отырғысы келмей, камераға өзін жалғыз отырғызуды өтінген. Бірақ қызметкерлер оны тыңдамаған. Трансгендердің айтуынша, сотталушылар оны зорлап, ақша бопсалаған. Атап айтқанда, А. мен Л. оны басқалары зорлаған кезде қолын ұстап тұрған.
5 сәуірде камерада трансгендер, А. және Л. қалған. Сонда трансгендер Л.-ның кеңірдегін кескілеп тастаған. Жараланған тұтқынды қызметкерлер ауруханаға апарған кезде трансгендер А.-ны тұншықтырып өлтірген. Қызметкерлер жүгіріп келгенде, ол шахмат құрып, «сен менімен ойнадың, енді мен сенімен ойнаймын» деген.
Сотта ер адам болған жағдайға өкінбейтінін және олардың жазаға өздері сұранып тұрғанын айтқан.
Алматы қаласы Түрксіб аудандық соты кезекшінің орынбасарына немқұрайлылығы үшін 3,4 млн теңге айыппұл салып, оған құқық қорғау органдарында 1 жыл жұмыс істеуге тыйым салды.