Күні кеше өнер мен сахнадан біржола кеткенін мәлімдеген Индира Расылханды тыңдарманы қимай жүрген көрінеді. Экс-әншінің шығармашылықты тастағанын көпшілік қабылдай алмай жүр.
Желі қолданушысының: “Арабияға, Сирияға неге көшіп кетпейсіңдер? Қандай керемет әнші едің, әттең” деген пікіріне Индира Расылхан: “Айтпайын деп едім, болмады… Менің жанайқайымды тыңдаңыздар. Осы уақытқа дейін шыдап келдім. “Арабқұл, Сирияға, Ауғанстанға көшіп кет” деп жазып жатырсыздар. Жарайды, мақұл, сіздер үшін арабқұл бола қояйын. Әлде Еуропаға еліктегеніміз дұрыс па? Сіздер айтып отырған “арабқұлдықтан”, яғни діннен бас тартайық онда”, – деп жауап берген.
Ол керісінше жастар арасында танымал транссексуалдармен күресуге шақырды.
“Болмаса дәстүр жайлы айтамыз ба? Неге осындайларды тоқтатуға әрекеттенбейміз? Онда Еуропаға еліктейік”, – дейді Индира Расылхан наразылығын жеткізіп.
Айта кетейік, бұған дейін Индира Расылхан өнерден бір түбегейлі кеткенін және оқыманға психологиядан кеңес беріп, сабақ өткізгені үшін кешірім сұраған болатын.