Қаржы мониторингі агенттігі тергеумен ерікті ынтымақтастық аясында Қайрат Боранбаевтың мүлкін мемлекетке қайтару шараларын қабылдап жатыр, – деп хабарлайды Aikyn.kz.
«Қ.Боранбаевтың компаниялары Мемлекеттік мүлік комитетіне жалпы құны 1,4 млрд теңгеден асатын «Comfort Hotel Astana» қонақүй кешенін мемлекет меншігіне өз еркімен беру үшін тиісті өтінімдер берді.
Аумағы 5 мың шаршы метрден асатын бұл қонақүй кешенінің жылдық айналымы 900 млн теңгеге жуық», – делінген агенттік хабарламасында.
Қолданыстағы заңнамаға сәйкес бұл нысанды демалыс, сауықтыру және білім беру орталықтарын ұйымдастыруымен әлеуметтік мақсатта пайдалану жоспарлануда.
Активтерді қайтару бойынша белсенді жұмыстар жалғасып жатыр.