Кеше Газа секторындағы ауруханаға Израильдің әуе әскери күштерінің зымырандары түскені жайлы ақпарат тараған болатын. Соңғы мәліметтерге сәйкес, қаза тапқандар мен зардап шеккендер саны 800 адамнан асты, – деп хабарлайды Aikyn.kz ТАСС агенттігіне сілтеме жасап.
Израильдің әуе күштері Газа қаласының орталық аудандарына бірнеше соққы жасады. Al Hadath телеарнасының хабарлауынша, ракеталар "Аль-Маамадани" госпиталіне түскен.
Ресми ақпараттарға сәйкес, қаза тапқандар саны 300-ден асты. Al Arabiya телеарнасы мерт болғандар мен зардап шеккендер 800-ден асқанын мәлімдеді.
Al Hadath телеарнасының репортажында көптеген науқастың далада кезекте тұрғаны көрсетілген. Зымыран жарылысынан көрші ғимараттарға да залал келіп, бейбіт тұрғындар қаза тапқан.
Палестина президенті Махмуд Аббас 3 күндік аза тұту жариялады. Al Mayadeen телеарнасының мәліметінше, ол 19 қазанға АҚШ басшысы Джо Байденмен жоспарланған кездесуді күтпестен Амманнан Рамаллаға ұшып кеткен.
Израиль премьер-министрі Биньямин Нетаньяху Газа секторындағы жарылысқа Израиль әскері кінәлі деген пікірді жоққа шығарып, оны лаңкестердің ісі деп мәлімдеді.
Ал “Ислам жиһады” соққыға өздерінің қатысы жоқ екенін айтты.
Фото: Mohammed Salem/Reuters