Отандасымыз финалда америкалық теннисші Эйдан Майоны 6:3 және 6:4 есебімен ұтты. Ойын 1 сағат 16 минутқа созылып, Бейбіт 11 эйс жасады.
Осылайша, ол кәсіби теннисшілер қауымдастығының (ATP) жекелей және жұптық сында жаңартылған әлемдік рейтингтінде 247-ден бірден 52 сатыға жоғарылап, әлемнің 195-ші, Қазақстанның екінші ракеткасы атанды. Ал
Қазақстанның бірінші ракеткасы Александр Бублик 33-тен 32-ге көтерілді.
Михаил Кукушкин 213-те қалса, Тимофей Скатов 211-ден 216-ға, Денис Евсеев 238-ден 239-ға сырғыды.
Әдеттегідей бұл жолы да Новак Джокович көш бастады. Испаниялық Карлос Алькарас екінші, ресейлік Даниил Медведев үшінші орында тұр.
Айта кетейік, 23 жастағы Бейбіт Жұқаев «Челленджер» жарысындағы жетістігі үшін 10 840 АҚШ доллары көлемінде сыйақы мен 75 рейтингілік ұпай иеленді.
Фото: stan.kz