Осы жылдың қаңтар-тамыз айларында Қазақстанда отбасылық-тұрмыстық салада 578 қылмыстық құқықбұзушылық жасалған, бұл бір жыл бұрынғыдан 2%-ға аз. Былтыр осы кезеңде 590 құқықбұзушылық жасалған, – деп хабарлайды Aikyn.kz Ranking.kz-ке сілтеме жасап.
2023 жылдың 1 шілдесінде тұрмыстық зорлық-зомбылық үшін әкімшілік жауапкершілікті қатайтуға бағытталған түзетулер күшіне енді. Яғни, полиция тұрмыстық құқықбұзушылықтарды тіркеудің декларативтіліктен детективтік сипатына көшті. Бұл дер кезінде қылмыстық құқықбұзушылықтардың алдын алуға, жәбірленушілерді аса ауыр қылмыстарды, соның ішінде кісі өлтіруден бұрын үй тирандарынан қорғауға көмектеседі.
"Заңнамадағы өзгерістен кейін тек шілде-тамыз айларында жауапқа тартылған озбырлардың саны үш есеге артты. Мамыр және маусым айларында осындай 5,3 мың адам әкімшілік жауапкершілікке тартылса, шілде мен тамызда олардың саны 16 мыңнан астам адамды құрады. Сәйкесінше, қамауға алынғандар саны екі есеге өсті: 1 шілдеге дейін – 1 392 адам, кейін – 2 389 адам. Жалпы, Ішкі істер министрлігінің мәліметінше, қоғамда тұрмыстық зорлық-зомбылыққа және мемлекет тарапынан жазаның бұлтартпастығына төзбеушілік үрдісі қалыптасып отыр",– деп жазды ақпарат көзі.
Өңірлер бойынша тұрмыстық саладағы ең көп қылмыстық құқықбұзушылықтар Алматы облысында жасалған: сегіз айда 56 оқиға – бір жыл бұрынғыдан 13,8%-ға аз.
Павлодар облысы көшбасшылыққа қарсы екінші орында тұр: 52 қылмыстық құқықбұзушылық, бір жыл ішінде минус 7,1%. Одан кейін Қарағанды облысы: бір жыл бұрынғы 59 оқиғамен салыстырғанда 47 құқықбұзушылық. Жылдық төмендеу 20,3%-ды құрады.
Мұндай құқықбұзушылықтардың ең азы Маңғыстау (11 жағдай), Ақтөбе (13 жағдай), Қызылорда және Абай (әр облыста 16 жағдай) облыстарында тіркелді.