Өнер иесі көпшілікке қазіргі кездегі сезімімен бөліскен, – деп хабарлайды Aikyn.kz.
“Жан ботам, жыламағын” деп өзім жылай жаздап әрең тұрмын. Бәлкім, осы күнге көп қиындықпен жеткендіктен болар.
Осы той болады деген күннен бастап уайым, қорқыныш, қуаныш бәрі араласып, күн сайын өлең төгіле берді", – деген әнші.
Ол желіге концертке дайындық, жаңа әндерді жаздыру, киіт алу, алтын қарау деген жұмыстармен бірге көкейге түскен өлең жолдарын жазып та үлгерген.
"Тәңірдің таңдайға берген тартуы деп құрбыларыма айтып беріп ем, жақсы ән деп айтуымды құптады.
Өңдеп үлгермеген жаңа ән. Сөз сөйлегеннен өлең не әнмен жеткізген оңай екен", – дейді Роза Әлқожа.
Әншінің туындысы былай өрбиді:
Келінге арнау
Түндерде тілегенім,
Таңдарда сұрағаным.
Баламның жүрегі едің,
Жан ботам, жыламағын.
Қайырмасы:
Ел-жұртыңа жақ, келін,
Ұл менен қыз тап, келін.
Бауырыма басайын,
Баламдай бол, ақ келін!
Ұлымның сыңарысың,
Үйімнің шырағысың.
Қош келдің өз үйіңе
Көп күткен, қуанышым!
Жүзің неткен жайдарлы, жарқын еді,
Құт келді деп күтуде, халқың, елің.
Босағаңа берік бол бар айтарым,
Керегеңе келін бол, бар тілегім.