M.S.Narıkbaev atyndaġy KAZGUU Unıversıteti Халықаралық журналистика мектебі директорының орынбасары (декан – ред.) Р.К.Каргашев пен «АЙҚЫН-ЛИТЕР» ЖШС-ның Бас директоры Ысқақ Егембердиев меморандумға қол қойды, – деп хабарлайды Aikyn.kz.
Осы меморандум аясында өзара тиімді ынтымақтасты дамыту жоспарланған. Университет студенттері пән бойынша қажетті біліктілік пен практикалық дағдыларын редакцияда машықтандыру, сонымен қатар кадрлардың кәсіби біліктілігін арттыру мақсатында ғылыми-практикалық тәжірибе алмасады.
Тәжірибеге сүйене отырып, меморандум аясында мына мәселелерді іске асыру жоспарда бар. Атап айтқанда:
1) Тараптардың қызмет ету аясына сәйкес салаларда (екі тараптың алдын ала келісімге сәйкес) ынтымақтасу;
2) «АЙҚЫН-ЛИТЕР» ЖШС M.S.Narıkbaev atyndaġy KAZGUU Unıversıteti АҚ-ның оқу-білім беру бағдарламаларын әзірлеу мен талқылауға қатысуы;
3) Профессорлық-оқытушылар құрамы, ғылыми және әкімшілік қызметкерлер мен білім алушылар үшін ортақ қызығушылық тудыратын салаларда тағылымдамалар мен оқу тәжірибелерін ұйымдастыру;
4) Жинақталған білім мен тәжірибе алмасу мақсатында тарап өкілдерінің өз қызмет ету аумағына сәйкес тараптардың ұйымдастыруымен өткізілетін ғылыми-әдістемелік семинарларға, ғылыми-практикалық конференциялар мен басқа да іс-шараларға қатысуы;
5) Қазақстан Республикасы заңнамасы аясында тараптармен келісілген басқа да ғылыми-практикалық ынтымақтастық жанданады.
Осы меморандум негізінде:
1) мемлекеттік қызмет көрсету мен білім беру сапасын арттыруға бағытталған бірлескен инновациялық жобаларды жүргізу;
2) Тараптардың іс-шараларының өткізілуі мен даярлануында әдістемелік және материалдық-техникалық қолдауды қамтамасыз ету;
3) Тараптардың сәйкесінше қызмет көрсету салаларында кез келген тарап ұйымдастырылуымен өткізілетін ғылыми-әдістемелік семинарларда, ғылыми-практикалық конференцияларға және басқа да іс-шараларға Тараптар өкілдерінің қатысуы арқылы жинақтаған білімі және тәжірибесімен алмасу;
4) «АЙҚЫН-ЛИТЕР» ЖШС тарапынан университет студенттерінің оқу және өндірістік практикадан өтуі үшін жағдай жасалады.
Айта кетейік, бұған дейін Нәрікбаев университетінің бастамасымен өткен форум жайында хабарлаған болатынбыз.