ҚР Ұлттық банкі 25-27 қараша аралығындағы шетел валюталарының ресми бағамын жариялады, - деп хабарлайды Aikyn.kz.
Демалыс күндері 1 АҚШ доллары 463,09 теңгеге бағаланды, бұл өткен аптадағыдан 0,3 теңгеге жоғары.
Еуро да айтарлықтай нығайған, алдағы үш күндегі бағам 504,86 теңгені құрап, өткен демалыстағыдан 2,69 теңгеге жоғары болып тұр.
Ресей валютасы 5,21 теңге болады. Мұнда өткен аптадан бері өсім 0,01 теңге болды, өйткені рубльдің өзі соңғы проблемалық айлармен салыстырғанда қазір біршама қалыпты. Валюта бағамы 2023 жылдың маусым айының аяғындағы деңгейге қайта оралды.
Ал юань бағамы 64,73 теңге болады.
Естеріңізге сала кетейік, бір күн бұрын ҚР Ұлттық банкі базалық мөлшерлемені +/– 1 пайыздық тармақ дәлізімен жылдық 15,75%-ға дейін тағы да төмендеткен болатын.