Қырғызстанда жыл басынан бері қызылшамен ауырған 4484 адам анықталды. Бұл туралы Республикалық иммунопрофилактика орталығы мәлімдеді, – деп хабарлайды Aikyn.kz.
Қызылша вирусының белсенді айналымы Бішкек, Жалал-Абад және Шу облыстарында байқалады, онда вирустың таралуы ұйымдасқан топтардағы егілмеген балалар арасында кездеседі. Басқа аймақтарда да белсенді ошақтар бар.
«Індетті ауыздықтау үшін қызылша мен қызамыққа қарсы қайталама иммундау қызамық-паротит-қызылшаға қарсы вакцинамен жоспарлы иммундау жүргізілуде. Қосымша иммундау науқаны Бішкек, Ош және Шу облыстарында да жалғасуда, онда 472 476 бала (78%) вакцина алды. Қызылша ауруының көбеюіне байланысты Жалал-Абад облысында ұйымдасқан топтағы балалар арасында қосымша иммундау жұмыстары басталды. Сондай-ақ, 72 сағат ішінде байланыста болған барлық жастағы адамдар шұғыл түрде егіледі», – деді орталықтан.
Мамандар қызылша ауруының асқынуына байланысты қауіпті екенін еске салып, ата-аналарды балаларын қорғап, вакцинациялауға шақырады.
Еске сала кетейік, бұған дейін Қырғызстанда қызылшадан үш бала қайтыс болған еді.