«Мұстафа Шоқай феномені» кітабы қоғам қайраткерінің өмірі мен саяси ғұмырына арналған. Туынды тарихшы Бақыт Садықов пен Мұстафа Шоқайдың жұбайының естеліктеріне сүйене отырып жазылған. Жиында Мұстафа Шоқай музейінің басшысы Салтанат Сексембаева саяси қайраткер туралы баяндап берді.
— Мұстафа Шоқай – Отанымыз үшін аянбай еңбек еткен қайраткер. Сондықтан осындай халықаралық деңгейде шара өткізу өте орынды. Келешекте осы бағыттағы ынтымақтастығымызды жалғастырмақ ойдамыз. Келер жылы Түркияда Мұстафа Шоқайға арналған көрме өткізу жоспарланып отыр. Көпшілік назарына қазақтың біртуар ұлы жайлы мұрағаттарда сақталған бірегей қолжазбалар мен жәдігерлер ұсынылады, – деді ол.