Өскеменде Гагарин көшесінде тұрған көлік салонының есігі абайсызда жабылып қалып, ішінде бір жасар бала қамалып қалды. Баланың анасы құтқарушыларға хабарласып, көмек сұраған. Бұл туралы Аikyn.kz gov.kz-ке сілтеме жасап хабарлайды.
Оқиға орнына ШҚО ТЖД жедел-құтқару жасағының құтқарушылары келіп, құралдардың көмегімен көліктің есігін ашып, баланы алып шықты.
ШҚО ТЖД ата-аналарға қарапайым қауіпсіздік шараларын сақтау қажеттігін еске салады.
"Мұқият болып, балаларды бір сәтке болса да қараусыз қалдырмаңыздар. Төтенше жағдай кезінде 112-ге хабарласыңыздар", – делінген хабарламада.