Көкшетауда жеңіл автокөлік өртеніп кетті, – деп хабарлайды Aikyn.kz порталының тілшісі.
Өрттің шығуына көліктің қозғалтқышындағы электр сымдарының қысқа тұйықталуы себеп болған.
Ақмола облысы төтенше жағдайлар департаментінің мәліметінше, оқиға бүгін таңғы 8:08-де Ескі әуежай шағын ауданының 13а мекенжайында болған.
– Жеңіл автокөлік өрті 2 шаршы метр аумақты қамтыды. Өрт 8:14-те сөндірілді. Зардап шеккендер мен құрбан болғандар болған жоқ. Өрт көлік қозғалтқышындағы электр сымдарының қысқа тұйықталуынан шыққан. Оқиға орнына жеке құрамның жеті қызметкері мен бір техника барды, – деді Ақмола облысы Төтенше жағдайлар департаментінің баспасөз қызметінен.
Абзал АЛПЫСБАЙҰЛЫ,
Ақмола облысы