Жамбыл облысының Жамбыл ауданында аяз салдарынан газ құбыры деформацияланып, алты елді мекенде 1200 абонент газсыз қалды, – деп хабарлайды Aikyn.kz «ҚазАқпаратқа» сілтеме жасап.
Қазір облыста -32°С. Апат салдарынан Гродеково, Жалпақтөбе, Қызылдихан, Жасөркен, Қызылқайнар мен Полатқошы ауылдары газ бен жылусыз қалды. Қазірдің өзінде Қызылдихан ауылында газды қалпына келтіруге мүмкіндік туды. Жөндеу-қалпына келтіру жұмыстары жалғасып жатыр.
«Таңғы сағат 7-ге дейін бұзылған 8 буынның 4 буыны қалпына келтірілді, оның біреуі газ құбырында фистула болды», – деді Жамбыл ауданы әкімдігі баспасөз қызметінің жетекшісі Ақжігіт Жетпісбай.
Қазір төрт мектеп, екі балабақша, дәрігерлік амбулатория және медициналық пункт баламалы жылу көздеріне қосылған.
Ұзындығы 1,5 шақырым болатын газ құбыры 1991 жылы салынған. Өткен жылыту маусымында мұнда да оқыс оқиға тіркелді.