Астаналық 18 жастағы такси жүргізушісі Нұрсұлтан Жәнібекұлы Қарағандыға кетіп, із-түзсіз жоғалып кетті, – деп хабарлайды Aikyn.kz.
Patriot басылымының жазуынша, Нұрсұлтан Жәнібекұлы сұр түсті Chevrolet Cobalt көлігімен такси қызметімен айналысқан.
Ол 9 желтоқсанда Астанадан Қарағандыға тапсырыс алады. Куәгерлердің айтуынша, кейін Қарағандыдан Алматыға кеткен. Осыдан кейін байланысын тоқтатты.
Полицейлер Нұрсұлтанның қайда екенін білетін азаматтардан Астана қаласы Байқоңыр аудандық полиция басқармасының криминалдық полиция бөліміне 8 (7172) 71-60-87, 8 (7172) 20-23-29, 8 (775) 217 80 98 телефондары арқылы хабарласуларын сұрайды.