Бүгінде ауданның Қоғам елді мекенінде суқұбыры желілерінің құрылысы бойынша 6,2 шақырым су желісі қазылып, аяқталды. Қоңыраулы елді мекенінде 14,660 шақырым су желісі қазылып, су құбыры төселді және су мұнарасы орнатылды. Ал Қоныстану елді мекенінде 8,250 шақырым су желісі қазылып, су құбыры төселді. Қазір үш нысанды қабылдау жұмыстары жүріп жатыр. Сондай-ақ Аққора елді мекенінде 1,910 шақырым су желісі қазылып, су құбыры төселді. Су мұнарасын бетондау және қоршау жұмыстары жасалуда. Сонымен қатар шағын ауылдарда кешенді блок-модульдерді орнату жұмыстары да жүзеге асты.
Ауданның Былқылдақты елді мекенінде 10,660 шақырым су құбыры желісі қазылып, су құбыры төселді. Кешенді блок-модуль орнатылды. Электр желісін монтаждау жұмыстары жүргізілуде.
Ал Кенбай елді мекенінде 4,065 шақырым су желісінің қазу жұмыстары аяқталып, су құбырлары төселді. Екі ұңғыма қазылып, электр желісінің жұмыстары аяқталды. Құдықтарды және кешенді блок-модульді монтаждау жұмыстары жүргізілуде. Құрылыс жұмыстары жыл аяғында толық аяқталып, іске қосылады.
Сарықұмақ елді мекенінде 5,584 шақырым су желісін қазу жұмыстары аяқталып, су құбыры төселді, 2 ұңғыма қазылды. Қазір Сағыз өзенінен су құбырын өткізу жұмыстары жалғасуда. Құрылыс жұмыстарын желтоқсан айында толық аяқтап, іске қосу жоспарлануда.
Соркөл елді мекенінде су құбыры желілерінің құрылысы нысаны бойынша 0,558 шақырым су желісін қазу жұмыстары аяқталып, су құбырын төсеу жұмыстары жүргізілді. Кешенді блок-модулі орнатылды. Қазір нысанды қабылдауға құжаттар жасақталуда.
Осылайша, құрылыс жұмыстары аяқталып, ел игілігіне тапсырылғаннан кейін ауданда су мәселесі толықтай 100 пайыз шешілетін болады.
Баян ЖАНҰЗАҚОВА