Жаңа жылға қарсы аяздың беті қайтып, еліміздің оңтүстік өңірлерінде күн жылынады, – деп хабарлайды Aikyn.kz.
"Қазгидромет" мәліметінше, осы аптадан бастап жаңа жылға дейін еліміздің барлық өңірінде аяз сынып, күн жылы болады. Нақты деректерге сәйкес, еліміздің батысында ауа температурасы түнгі уақытта -7, - 15 градус аяздан -5, +3 градусқа дейін жылы, ал күндізгі уақытта -3, -8 градус аяздан 0, +10 градусқа дейін жылы болып ауытқып тұрады.
Ал солтүстік-батыста, солтүстікте және орталықта да ай басында -12-ден -28 градусқа дейін аяз болса, соңына қарай беті қайтып, -7, -18 градусқа дейін төмендейді.
Күндізгі уақытта -5, -13 градус аяз сақталады. Шығыста да аяз сынып, ауа тепературасы -5, -13 градус 0-ден төмен болады. Оңтүстікте ауа температурасы түнгі уақытта -5, -13 градустан -5, +2 градусқа дейін, күндіз 0, -7 градустан, 0, +10 градусқа дейін ауытқуы ықтиамал.
Оңтүстік-шығыста да күн жылы болады. Ауа температурасы түнгі уақытта -8, -18 градустан -5, +2 градусқа дейін, күндіз 0, -8 градустан +3, +10 градусқа дейін ауытқуы мүмкін.
Қаңтар – жыл iшiндегi ең суық ай және желтоқсаннан қаңтарға өткенде ауаның орташа айлық температурасының төмендеуi -2, -4, ал Жоңғар қақпасы тұсында -5, -6 градус болады. Қазақстанның барлық аймақтары бойынша жыл iшiндегi ең төменгi температура орнығады.
Ауаның орташа айлық температурасы -2, -5°С-тан (қиыр оңтүстік және оңтүстік-батыста) -16, -19°С-қа дейін (Қазақстанның солтүстігі мен шығысында), ал Шығыс Қазақстан облысының жекелеген аудандарында -20, -22°С-қа дейін төмендейді.
Кейбiр жылдары ауаның орташа айлық температурасы (-6, -14°С) мөлшерде өте үлкен аралықта (+5, +10°С) ауытқуы мүмкiн. Қаңтарда ауа температурасының тәулiктiк ауытқуы желтоқсандағыдан аз, оңтүстiк-шығыстың биiк таулы аудандарында -14, -15°С, Каспий жағалауында бар болғаны -6, -8°С болады.
Арктикалық ауа енген кезде ең төменгi температура -48, -54°С аязға дейiн, ал оңтүстiк облыстарда -30, -43°С аязға дейiн жетуi мүмкiн. Ең жоғарғы температура кей уақытта +3, +9°С, Қазақстанның оңтүстiк бөлiгiнде +15, +22°С жылыға дейiн жоғарылайды.
Қаңтарда желтоқсанмен салыстырғанда жауын-шашынның мөлшерi аздау болады. Олардың аумақтық таралуы бiркелкi емес.
Қазақстанның көптеген бөлiгiнде жауын-шашын 10-нан 20 мм дейiн, шөлдi аудандар мен Зайсан маңында аз (6-10 мм) жауады, ең көп жауын-шашын (60-80 мм) Түркістан облысының таулы аудандарында түседі. Оның ең көп мөлшерi 1969 жылы Шуылдақ метеостанциясында 214 мм-ге жеттi.
Қаңтар айында солтүстiк облыстарда жауын-шашын жиi болып тұрады, мұнда есеппен жауын-шашынды күндер 11-15, орталық және оңтүстiк облыстарда 6-10 күндей болады.
Солтүстiк облыстарда айдың соңына қарай қар жамылғысының қалыңдығы 10-20 см, кей жылдары 35-45 см-ге дейiн жетедi. Қар жамылғысының ең аз қалыңдығы оңтүстiк облыстардың жазық аудандарында 5-8 см тіркеледі.
Бiрақ мұнда кейбiр жылдары оның қалыңдығы 20-25 см-ге дейiн жетуi мүмкiн. Қардың ең қалың жамылғысы таулы аудандарда – 80-168 см.
Боран республиканың солтүстiк бөлiгiне тән құбылыс: қаңтарда олар орта есеппен – 6-8 тәулік, Ақтөбе, Солтүстiк Қазақстан, Ақмола және Қарағанды облыстарында бұрқасындар – 9-14 тәулік, ал кей жылдары 15-22 тәулiкке дейiн ұласады.
Тұманды күндердiң саны республиканың көптеген аудандарында орташа есеппен – 4-7 тәулік, Мұғалжар тауының маңында және оңтүстiктiң таулы аудандарында – 10-13 тәулік, жекелеген жылдары 23-29 тәулiктi құрайды.
Республиканың солтүстiгiнде көктайғақ сирек байқалады 10 жылда 1-4 рет ғана, оңтүстiк аудандарда ол жиiлеу, орта есеппен ай бойы – 1-3 рет, кейде жылына 5-10 күндей болады.
Қаңтар айында ауаның орташа айлық температурасы республиканың басым бөлігінде нормадан -1, -2°С жоғары болады деп күтілуде. Сонымен қатар жауын-шашын мөлшері республиканың басым бөлігінде нормадан көп күтіледі.
Қызылорда, Ұлытау облысы, Қарағанды, Абай облыстарында, Маңғыстау, Түркістан, Жамбыл, Алматы, Жетісу, Шығыс Қазақстан облыстарының басым бөлігінде, Ақтөбе облысының оңтүстік-шығысында, Қостанай, Ақмола облыстарының оңтүстігінде, Павлодар облысының оңтүстік жартысында норма шамасында болады деп болжанады.
Ауаның орташа айлық температурасы Қазақстанның басым бөлігінде -10, -17°С, еліміздің қиыр шығысында -20°С, Батыс Қазақстан, Атырау, Маңғыстау, Қызылорда, Түркістан, Жамбыл облыстарында, Алматы, Жетісу облыстарының басым бөлігінде және Ақтөбе облысының оңтүстік-батысында -9+2°С дейін жетеді.