Петропавлда үй иесін айуандықпен өлтірген статистика басқармасының мемлекеттік қызметкерін сот 11 жылға бас бостандығынан айырды,- деп хабарлайды Aikyn.kz.
Жауапкер облыстық статистика департаментінің техникалық қамтамасыз ету бөлімінде жетекші маман болып жұмыс істеген. Үш жылдай ол әйелімен бірге Петропавлда жалғызбасты зейнеткерден пәтер жалдап тұрыпты.
"Іс материалдарынан белгілі болғандай, айыпталушы 2023 жылғы 25 мамырда кешкі уақытта 64 жастағы үй иесіне қаржылық қиындықтарға байланысты пәтер жалдау ақысын төлеуді кейінге қалдыру үшін барған. Әйел оның мерзімін ұзартудан бас тартуы мүмкін деп болжап, ол оны өлтіру үшін тікелей қылмыстық ниетпен жолға шыққан. Кетер алдында қалтасына пышақты салып алған.
Зейнеткер кейінге қалдырудан бас тартқан соң, ер адам пышағын алып, ерекше қатыгездікпен кеудесіне, асқазанына және басының артқы жағына бірнеше рет пышақ салған. Соққылардан пышақтың жүзі деформацияланып, майысқаннан кейін сотталушы асхана үстелінен тағы бір пышақты алып, онымен де майысқанша ұруды жалғастырған", - деп жазды "Неделя" басылымы.
Сонымен қатар сотталушы еденге құлаған жәбірленушінің бас аймағына екі соққы жасады. Қылмыстың ізін жасыру үшін сотталушы кіреберіс шкафынан алкогольдік ішімдік тауып алып, оны пәтердің барлық бөлмелеріне шашып жіберген, содан кейін сіріңке жағып, өртеген. Сосын сотталушы қылмыс орнынан кетіп қалды.
Жәбірленуші оқиға орнында көз жұмды. Сарапшының қорытындысына сәйкес, өлімге өкпе мен бауырдың, кеуде қуысының және іштің көптеген пышақ жарақаты, жедел ауыр қан жоғалтуға әкеп соқтырған, сондай-ақ ашық бассүйек-ми жарақаты, саусақтың және табанының сынуы себеп болған.
Сотталушының өзі кінәсін мойындады. Ол жанжал кезінде үй иесі оны қатты балағаттаған соң, пышақ алғанын айтқан.