Ұлттық қауіпсіздік комитеті прокуратура органдарының үйлестіруімен және полицияның жәрдемдесуімен Қарағанды облысының тұрғынын ұстады, – деп хабарлайды Aikyn.kz.
«Ол жұмыс орнында және әлеуметтік желілер арқылы терроризмді насихаттауға күдіктелді», – делінген ҰҚК баспасөз қызметі таратқан хабарламада.
Тергеу әрекеттері барысында заттай дәлелдемелер алынды.
Қазіргі кезде ҚР Қылмыстық кодексінің 256-бабы 2-бөлігі бойынша сотқа дейінгі тергеп-тексеру амалдары жүргізіліп жатыр.
Қылмыстық-процестік кодекс 201-бабының 1-бөлігіне сәйкес өзге ақпарат жария етуге жатпайды.