Олар өнеркәсіп қызметкерлеріне кеншілердің және қауіпті өндірістегі басқа да қызметкерлердің 55 жасында зейнетке шығуына, сондай-ақ төленетін барлық жеңілдік пен төлемге қатысты жаңа заң жобасы туралы айтты.
Мәжілісмен Альберт Рау мәлім еткендей, енді зиянды өндірістегі жұмысшылар 55 жасқа толғанда еңбек шартын бұзуға және 63 жаста зейнеткерлікке шыққанға дейін арнайы төлемдер алуға құқылы. Барлығы 4 төлем бар, олардың барлығы әртүрлі көзден қаржыландырылады. Төлемдерге табыс салығы салынбайды.
– Өткен жылы сайлау барысында «AMANAT» партиясының кандидаттары сіздермен кездескен еді, ол кезде осы сұрақ қозғалған болатын. Өнеркәсіптік өндіріс қызметкерлерінің зейнеткерлік жасы төмендей ме? Бүгін біз сіздерге жақсы жаңалықпен келдік, 2024 жылғы 1 қаңтардан бастап зиянды өндіріс қызметкерлерінің зейнеткерлік жасын 55 жасқа дейін төмендету туралы заң жобасы күшіне енді, егер олар бұдан былай бұл өндірісте жұмыс істемесе. Яғни, олар жұмыстан шығуы немесе жеңілірек жұмысқа ауысуы керек. Сондай-ақ 55 жастан зейнетке шыққандарға арнайы әлеуметтік төлемдер төленетін болады, олардың саны – 4. Төлемдер төрт көзден: республикалық бюджеттен, жұмыс берушінің қаражатынан, өмірді сақтандыру компаниясының қаражатынан және міндетті жарналар есебінен төленетін болады, – деді Альберт Рау.
55-те лайықты демалысқа шығу және тиісті төлемдерді рәсімдеу үшін, жұмысшының кемінде 7 жыл еңбек өтілі мен міндетті зейнетақы жарналары болуы қажет, бұл жағдайда ол 55 жасқа толуына байланысты еңбек шартын бұзғаны туралы өтініш берсе болғаны. Жеті күн ішінде жұмыс беруші мен сақтандыру компаниясы мемлекеттік корпорацияның есепшотына бір ең төменгі күнкөріс деңгейін аударуға тиіс. Сол шотқа жинақтаушы зейнетақы қоры мен МБ төлемдері келеді. Яғни, барлық сома бір күнде бірден аударылады.
Барлығы тікелей «Мемлекеттік корпорация» КЕАҚ арқылы төленетін болады.
Қызметкер 63 жасқа толғаннан кейін зейнетақы қорынан төленетін төлемдерге базалық және ынтымақты зейнетақы қосылады, ал республикалық бюджеттен, жұмыс берушілер мен сақтандыру компанияларынан төлемдер тоқтатылады. Айтпақшы, егер қызметкер өзін жақсы сезінсе, ол өндірісте жұмысын жалғастыра алады, оны жұмыстан шығаруға ешкімнің құқығы жоқ. Тек қауіп деңгейі төмен жұмыс болуы шарт.
Қызметкер лайықты демалысына немесе кәсібін өзгертуге – жеңіл жұмысқа ауысуға мүмкіндік алады. Осы жасқа арналған бірнеше әлеуметтік бағдарлама көмектесе алады. Мысалы, «Ұрпақтар келісімі» бағдарламасы, егер оның орнын ауыстыратын болашақ қызметкерді оқыту мүмкін болса және «Күміс ғасыр» (басқа мамандыққа қайта даярлау). Бұл жағдайда мемлекет жұмыс орнын субсидиялауға көмектеседі, ал әлеуетті қызметкер барлық төлемнен басқа ақша таба алады, – деп атап өтті Екатерина Смышляева.
Сонымен қатар депутат «Еңбек міндеттерін орындау кезінде жазатайым оқиғалардан міндетті сақтандыру жүйесін жетілдіру бойынша стандарттар ұсынылды» деп қосты. Атап айтқанда, сақтандыру ұйымдарының жұмыс берушінің алдын алу және оңалту іс-шараларын жүргізуге жұмсаған шығындарын өтеуі – екі жағдайда да сақтандыру сыйлықақысы сомасының 6%-ға дейінгі сомасын құрайтынын атап өтті.
Жалпы, «Соколов» кенішінде барлығы 1 041 адам өндірісте еңбек етеді. Биылғы жылы олардың 127-і 55 жасқа толып, зейнетке шығуы мүмкін жұмысшылар.
Жұмыс сапары барысында Мәжіліс депутаттары «Качар Руда» АҚ қызметкерлерімен де кездесті.
Естеріңізге сала кетейік, 2024 жылдың 3-12 қаңтары аралығында Парламент Мәжілісінің депутаттары, «АМАNАТ» партиясы фракциясының мүшелері Еркін Әбіл, Екатерина Смышляева, Берік Бейсенғалиев және Альберт Рау Қостанай облысында жұмыс сапарымен жүр. Олардың қатысуымен облыстың шалғай елді мекендеріне сапарлар, халықпен кездесулер, азаматтарды жеке қабылдаулар және жергілікті жерлерде партияның сайлауалды бағдарламасының орындалу сапасына мониторинг жүргізу жоспарланған.
Бердібек ҚАБАЙ