2023 жылғы 15 ақпан мен 29 желтоқсан аралығында Көліктегі санитариялық-эпидемиологиялық бақылау департаментінің бақылауындағы объектілерде қызметкерлер арасында қызылша ауруының расталған 38 жағдайы тіркелді. Оның ішінде әуе көлігі қызметкерлері арасында сырқаттанушылықтың үлес салмағы 13,1% (5 жағдай), теміржол 84,2% (32 жағдай), су 2,6% (1 жағдай) құрады.
Департамент пен бөлімше басқармаларының мамандары тиісті шаралар қолдана отырып, жедел әрекет ету нәтижесінде көлік қызметкерлері арасында қызылшамен ауырғандар туралы ақпарат түскеннен кейін барлығы 105 қаулы шығарылды.
Көлік қызметкерлері мен жолаушылар арасында вирустың таралуын болдырмау үшін Департамент санитариялық-эпидемияға қарсы және санитариялық-профилактикалық іс-шаралар кешенін жүргізеді. Бұған қатаң бақылау, медициналық тексерулерді ұйымдастыру және ақпараттық-түсіндіру жұмыстарын қамтамасыз ету кіреді.
Біз барлық көлік қызметкерлерін қызылша ауруының қаупін азайту және барлығына қауіпсіз саяхатты қамтамасыз ету үшін бірлескен күш-жігермен белгіленген қауіпсіздік шаралары мен нұсқауларын орындауға шақырамыз.
Айта кеткен жөн, ҚР ДСМ СЭБК Көліктегі санитариялық-эпидемиологиялық бақылау департаментінің аумақтық бақылауына еліміздегі барлық теміржол және әуе көліктерімен қатар маңызды шекаралық аймақтар да кіреді.