Көкшетауда мектепке дейінгі білім беру мекемелерінде тексеріс жүргізген прокуратура қызметкерлері балабақшалардың бірінде қызметкер мас күйінде жұмысқа келгенін анықтады, – деп хабарлайды Aikyn.kz тілшісі.
Қала прокуратурасының мәліметінше, аталған факт балалардың өмірі мен денсаулығына қауіп төндірген әрі ауыр жағдайғаларға себепкер болуы мүмкін болған.
– Балабақша қызметкері әкімшілік жауапкершілікке тартылып одан кейін ол жұмысынан босатылды. Сонымен қатар аталған балабақшада жүргізілген тексеріс барысында балалардың өмірі мен денсаулығына қауіп төндірерлік санитарлық-эпидемиологиялық заңнаманың бұзылғаны да анықталды. Аталған заңбұзушылықтарға жол бергені үшін балабақша меңгерушісі де жауапкершілікке тартылды, – деді Көкшетау қалалық прокуратурасынан.
Абзал АЛПЫСБАЙҰЛЫ,
Ақмола облысы