World Cycling Series құрамына 62 пара спортшы қатысқан Para-cycling чемпионаты кіреді. UCI Para-cycling физикалық, визуалды, интеллектуалды және есту қабілеті нашар спортшыларға арналған.
Қазақстан атынан бұл турнирге «Зияткерлік даму ерекшеліктері бар адамдарға арналған спорт федерациясы» РҚБ пара-спортшысы, аутизм спектрі бұзылған Дастан Ордабай қатысты. Астаналық спортшы II-3 санатына (зияткерлік бұзушылықтар) 18,8 шақырым қашықтықтағы жеке уақыт жарысына және 5,5 шақырым қашықтықтағы критериумға қатысты.
«2024 жылғы 2-8 қаңтар аралығында Аустралияның Балларат қаласында 2024 Virtus Cycling World Series әлемдік жарысы өтті.
Қазақстан бұл бәсекеде аутизм диагнозы қойылған қатысушыларға арналған жаңа II-3 санатында сәтті өнер көрсетті. Дастан Ордабай бұл сында екі алтын медаль жеңіп алды. Ол аутизм спектрі бұзылған алғашқы азиялық спортшы атанып, Қазақстан тарихында өз ізін қалдырды», – деп атап өтті федерация президенті Дина Темірғалиева.
Жарысты Аустралияның велоспорт федерациясы Аустралияның Virtus мүшелері болып саналатын Sport Inclusion Australia компаниясымен бірлесіп ұйымдастырды және UCI бақылауымен және кураторлығымен өтті.