Денсаулық сақтау министрі Ажар Ғиният Мәжілістің жалпы отырысының кулуарында мәйіт донорлығы жайлы пікір айтты, – деп хабарлайды Aikyn.kz.
«Мәйіт донорлығы – көптеген елдердің проблемасы. Мұнда тек медициналық емес, моральдық-этикалық мәселелер бар. Халық қайтыс болғаннан кейін органдарын тірі адамдарға қалдыруға дайын болуы керек. Кез келген азамат электрондық үкімет арқылы өз еркін білдіре алатын электрондық тіркелім бар. Бүгінде 40 мың қазақстандық өз ұстанымын білдірген, оның 15%-ы келісті. Біз бұл бойынша үлкен ақпараттық жұмыс жүргіземіз. Желтоқсан айында үлкен трансплантациялар болды – екі донор 9 адамның өмірін сақтап қалды. Біз бұл мәселені талқылаймыз, заң жобасын әзірлейміз», – деді Ғиният.
Кулуарда журналистер министрге «Сіз қайтыс болғаннан кейінгі донорлыққа жеке келісесіз бе?» деген сұрақ қойды.
«Мен келісемін және оған тілек білдірдім», – деді Ғиният.