Батыс Қазақстан облысының Полиция департаменті Ұйымдасқан қылмысқа қарсы күрес басқармасының қызметкерлерімен облыс орталығында акцизсіз темекі өнімінің заңсыз саудасы туралы жедел ақпараты бойынша тексеру жүргізді. Бұл туралы Aikyn.kz Polisia.kz-ке сілтеме жасап хабарлайды.
Орал қаласының орталық базарында қала тұрғыны жалға алған контейнерлердің бірінде 174 блок акцизсіз темекі, сондай-ақ оған тиесілі гаражынан 650 блок акцизсіз темекі өнімі табылды.
Сонымен қатар танысына тиесілі көршілес гараждан 250 блок акцизсіз темекі тәркіленді. Сондай-ақ автокөлікті тінту кезінде 68 пачка акцизсіз темекі өнімі тәркіленді.
Барлығы 1 074 блок пен 68 қорап акцизсіз темекі заты тәркіленді.