Бүгінде ҰҚК төрағасының бұрынғы бірінші орынбасары Самат Әбіш Қазақстанда жүр. Бұл туралы Бас прокурордың орынбасары Әсет Шындалиев айтты, – деп хабарлайды Aikyn.kz Halyq Uni-не сілтеме жасап.
Бұған дейін Бас прокуратура экс-президент Нұрсұлтан Назарбаевтың немере інісі Самат Әбіштің үстінен Қылмыстық кодекстің 362-бабы 4-бөлігі бойынша («Билікті немесе лауазымды өкілеттіктерді асыра пайдалану») қылмыстық іс қозғаған болатын.
"Мен тек істің сотта қаралып жатқанын білемін. Ол – Қазақстанда. Ешқайда кетпеу жөніндегі қолхат алынған. Қалғанын айта алмаймын. Іс сотта қаралып жатқандықтан оның мәртебесі сотталушы болуы мүмкін", – деді Әсет Шындалиев Мәжілістің жалпы отырысынан соң.
Сондай-ақ ол қылмыстық істе мемлекеттік құпия барын атап өтті.
Еске сала кетсек, Самат Әбіш 2022 жылғы қаңтарға дейін ҰҚК төрағасының бірінші орынбасары қызметін атқарған еді.