Алматы қаласында 17 қабатты тұрғын үй кешенінде өрт шықты. Оқиға орнына жедел жеткен өрт сөндірушілер қызыл жалынды сөндірді, – деп хабарлайды Aikyn.kz.
ТЖМ мәліметінше, қалалық ТЖД күштері мен құралдары 6 наурыз күні сағат 22.44-те Бостандық ауданында орналасқан көпқабатты тұрғын үйде өрттің жоғары дәрежедегі шақыртуы бойынша жұмылдырылған.
Алдымен мамандар 7-қабатта орналасқан пәтерде үй заттарының жанып жатқанын анықтады. Баспалдақтардың тұтануы байқалған. Өрт шарпыған жердің жалпы аумағы – 40 шаршы метр.
Тұрғындардың кейбірі өздері сыртқа шығып үлгерген. Ал іште қалғандарын құтқарушылар өрт сөндіру техникасының автосатысы арқылы эвакуациялады.
Өрт сағат 23.08-де толығымен сөндірілді. Зардап шеккендер жоқ.