Швеция 2024 жылдың 7 наурызында НАТО-ға ресми түрде қосылды, – деп хабарлайды Aikyn.kz.
«Хаттама 2024 жылдың 7 наурызында күшіне енді», – делінген Мемлекеттік департаменттің мәлімдемесінде.
Швецияның НАТО-ға қосылуы Батыс қорғаныс альянсы Ресей үшін маңызды мұнай саудасы жолы және оның флоттарының бірі орналасқан Балтық теңізін іс жүзінде қоршауға алатынын білдіреді.
Швеция Финляндиямен бірге 2022 жылдың көктемінде НАТО-ға кіруге өтініш берді. Түркия мен Венгрия бұл елдердің одаққа кіруіне қарсы болды. Анкара Швециядағы Күрдістан жұмысшы партиясын (PKK) террористік ұйым деп тануды және оның мүшелерін экстрадициялауды талап етті. Будапешт Скандинавия елдерінің үкіметтері үкіметке қысым көрсетіп, оппозицияны қолдап, «бірнеше рет Венгрияға соққы беруге ұмтылғанын» атап өтті.
2024 жылдың 23 қаңтарында түрік парламенті ұзақ кешігулерден кейін басым дауыспен Швецияның НАТО-ға кіруін мақұлдады (287 дауыс - 55 қарсы). Ал 26 ақпанда Венгрия парламенті Швецияның НАТО-ға кіру туралы өтінішін ратификациялады.