Павлодар облысының әкімі Асайын Байханның қатысуымен облыстық мәслихаттың кезекті сессиясы өтті.
Жиын барысында айтылғандай, келесі жылы Аққулы ауданындағы Тілектес ауылында жаңа мектеп салынатын болады.
Бұл – ауыл тұрғындарының өтініш-тілегі.
Облыс әкімі Асайын Қуандықұлы тұрғындардың талап-тілектері қашанда басты назарда болуы қажет екенін айтты.
Аймақ басшысы құрылыс басқармасына жаңа мектеп құрылысына арналған жобалық-сметалық құжатты дайындау туралы тапсырма берді.
Осылайша, келесі жылы Тілектес ауылында жаңа білім ошағы есігін айқара ашпақ.