Павлодарда жолдың ортасы опырылып түсті, коммуналдық апатты жою үшін екі авариялық бригада жұмылдырылды, – деп хабарлайды Aikyn.kz pavlodarnews.kz-ке сілтеме жасап.
"Павлодар–Водоканал" ЖШС баспасөз қызметінің мәліметінше, Ломов-М.Жүсіп көшелерінің қиылысында жол опырылып түсті.
"Алдын ала себеп – коллектордың жоғары бөлігінің құлауы. Көліктер мен адамдар зардап шеккен жоқ", - деп хабарлады коммуналдық қызмет.
Барлық кәріз желілері штаттық режимде жұмыс істейді. Қалалық әкімдіктің мәліметінше, опырылған жердің аумағы қоршалды.