Кездесуге «AMANAT» партиясы Шығыс Қазақстан облыстық филиалының төрағасы Сайрангүл Жұмаділова, Шығыс Қазақстан облыстық Балалар мен жасөспірімдер кітапханасының өкілдері мен жастар қатысты. Шара барысында алаштың ардақтысы болған Жүсіпбек Аймауытовтың өмірбаяны мен шығармашылығы туралы кітапхана өкілдері қатысушы жастарға ақпараттар берді.
«Жүсіпбек Аймауытовтан қалған мұра өте көп. Әсіресе, оның проза мен драматургиядағы орны үлкен. Оның ішінде «Қартқожа», «Ақбілек» романдары, «Күнікейдің жазығы» повесі мен көптеген әңгімелер, «Рабиға», «Мансапқорлар», «Сылаң қыз», «Ел корғаны», «Қанапия–Шәрбану», «Шернияз» атты пьесалар, өлеңдер мен «Нұр күйі» поэмасы, балаларға арналған ертегі кітапшалар, сын мақалалар мен көптеген аударма кітап, оқулықтар бар. Жүсіпбек Аймауытовтың шығармалары, негізінен жазушы өмір сүрген дәуірдің шындығын суреттеуге арналады», – деді филология ғылымдарының кандидаты, Сәрсен Аманжолов атындағы ШҚУ-дың қазақ, орыс филологиясы және журналистика кафедрасының қауымдастырылған профессоры Сәкен Қасенов.
Партияның бастамасымен «Кітап – AMANAT» орталығында еліміздің әдебиет пен мәдениет саласына мән берілген жастарды рухани тәрбиелеуге бағытталған шаралар тұрақты түрде өткізіліп отырады.