Әлеуметтік желіде Атырау облысында су тасқынына қарсы жұмыс кезінде тұрғындарға белсенді көмектескен иттің видеосы тарап жатыр, – деп хабарлайды Aikyn.kz.
Tengrinewskz еңбекқор иттің иесін тауып, тілдесті. Ит иесі Зәмзәгүл Атырау облысы Сарытоғай ауылынан екені белгілі болды. Иттің аты – Пшөн. Желтоқсан айында үш жасқа толады. Интернетке тараған видео 16 сәуірде түсірілген екен.
«Жайық өзенінің жағасында бөгет құрылысы басталғалы бері итіміз жақын жерде жүріп, көмектесіп жүр. Осылайша, басқаларға мотивация беріп жатыр. Итіміздің видеосы желіге тарағанына өте қуаныштымыз. Ол – біздің адал досымыз. Оны мұндағылардың бәрі біледі және мақтан тұтады», – дейді Зәмзәгүл.