Павлодар облысында су басу қаупі толығымен жойылды. Бұл туралы облыстық әкімдік аппаратының басшысы Дидар Ибраев Орталық коммуникациялар алаңында өткен брифинг барысында айтты, – деп хабарлайды Aikyn.kz.
Бүгінде өңірде су тасқынынан зардап шеккен тұрғындардың барлық өтінімдері толық көлемде өтелген.
– Облыстық штаб тәулік бойы жұмыс істеп жатыр. Қазіргі таңда жағдай – тұрақты. Демеушілік қаражат есебінен 98 млн теңгеге 120 отбасы өтемақы алды. Өңірде қалпына келтіруге келмейтін 7 үй тіркелді. Оның ішінде екі отбасына сол елді мекенде басқа тұрғын үй сатып алынды, – деді спикер.
Сонымен қатар 5 отбасы үшін жаңа үйлердің құрылысы басталған. Жұмыстар 3 айда аяқталады.