20 мамырда ҚР Ауыл шаруашылығы министрі жиын барысында зиянкестердің қоныстануына жүргізілген мониторинг нәтижелерін, химиялық өңдеу алаңдары бойынша жоспарларды, препараттар мен техниканың болуы туралы ақпаратты тыңдады, сондай-ақ АӨК Мемлекеттік инспекция комитетінің жергілікті атқарушы органдармен, көрші облыстардың және шекара маңындағы аумақтардың әкімдерімен жұмысын үйлестіру жөнінде тапсырма берді.
Жиынға Қостанай облысының әкімі Құмар Ақсақалов, зиянды және ерекше қауіпті зиянкестермен күресу жөніндегі жұмыстарды ұйымдастыру және үйлестіру жөніндегі облыстық штабтың мүшелері, химиялық өңдеулер бойынша қызмет көрсетушілер, аудан әкімдері және басқалар қатысты.
Айдарбек Сапаров өңірлерді аралау барысында егіс науқаны кезінде Қостанай облысының бірқатар аудандарына барды, ал жұмыс сапарының соңында шегірткелердің таралу мәселесі бойынша кеңес өткізді. Өңірде 775,6 мың га алқапта өңдеу жоспарланған, бұл 2023 жылмен салыстырғанда 2 есеге көп. 2024 жылы шегіртке дернәсілдері дамуының табиғи циклінің шыңы байқалады, осыған байланысты зиянкестердің таралуына қарсы күрес шаралары күшейтілді және Ауыл шаруашылығы министрлігі мәселені тұрақты бақылауда ұстауда. Бұған дейін Айдарбек Сапаров Түркістан облысында жедел кеңестер өткізген болатын, онда шегірткеге қарсы өңдеу жұмыстары аяқталуға жақын.
АӨК Мемлекеттік инспекция комитетінің облыстық аумақтық инспекциясының басшысы Н.Биртазин көбіне Қостанай облысының оңтүстік және батыс аудандарында шегірткенің зиянкестерінің дамуы байқалатынын баяндады. Шегірткеге қарсы іс-шаралар 17 ауданның 15-інде жүргізіледі. Өңдеудің ең көп көлемі Науырзым ауданында - 182 мың га, Қамысты ауданында - 179 мың га, Жангелдин ауданында - 164 мың га және Амангелді ауданында - 103 мың га.
Сондай-ақ облыс бойынша аумақтық инспекция пестицидтердің жеткілікті қорын дайындады, өңдеуге кемінде 72 бірлік техниканы, оның ішінде аэрозольді газ генераторларын, дельтапландарды, ұшақтарды және бүріккіштерді пайдалану жоспарлануда. Бастапқыда бұл мақсаттарға республика бойынша 4,2 млрд теңге бөлінді, бірақ күзгі зерттеулерден кейін зиянкестердің таралуының шарықтау шегі болжанғандықтан, ҚР Ауыл шаруашылығы министрлігімен қосымша бюджеттен 3,9 млрд теңге сұратылды.
Айдарбек Сапаров аумақтық инспекция басшысына әкімдіктермен, сондай-ақ басқа да қатысы бар ұйымдармен, соның ішінде қорықтар мен резерваттармен нақты өзара іс-қимыл жасуды тапсырды. Министр Ақмола, Ақтөбе және Солтүстік Қазақстан облыстарымен, Ресей Федерациясының шекаралас аумақтарымен шекаралас аумақтарда бірлескен зерттеу жұмыстарын жүргізу міндетін қойды. Айдарбек Сапаров жоғарыда аталған аумақтардан үйірлік шегірткелердің ұшып келу қаупінің жоғары екенін және барлық қызметтердің нақты өзара іс-қимыл жасау қажеттігін атап өтті.
2024 жылдың 10 мамырында итальяндық прусс текшелерімен қоныстануға арналған көктемгі зерттеу жұмыстары аяқталды. 14 мамырда систематикалық зерттеу жүргізу кезінде итальяндық прусс дернәсілдерінің пайда болуының басталуы тіркелді. Қызметтер мен қызмет көрсетушілер іс-шаралардың басталу дайындығы туралы баяндады.
Айдарбек Сапаров биылғы жылы алдын ала ұйымдастырылған зиянкестерге қарсы химиялық өңдеу бойынша препараттар мен қызметтерді сатып алуды уақытылы қаржыландырудың және жүргізудің маңыздылығын атап өтіп, АӨК Мемлекеттік инспекция комитетіне өңдеу мерзімінің ұзаруын болдырмауды, Республикалық фитосанитариялық диагностика және болжам әдістемелік орталығына елді мекендер бойынша нақты жедел ақпарат беруді және үйірлік шегірткелердің ұшуын уақытылы анықтауды міндетті.
21 мамырда Айдарбек Сапаров Ақтөбе облысына барады, ол өңірде де шегіртке дернәсілдерінің таралуы болжануда.