Алматы қаласының қылмыстық істер жөніндегі мамандандырылған ауданаралық соты өгей баласын өлтірді деп айыпталған ер адамға қатысты қылмыстық істі қарады, – деп хабарлайды Aikyn.kz.
Сотталушы өзіне тағылған айыпты мойындамаған.
– Д. есімді азамат 2023 жылдың тамыз айынан бастап өзінің оқытушысымен және оның бірінші некесінен туған ұлымен бірге жалға алынған пәтерде тұрған. Сотталушы жұдырықпен, баланың басы мен асқазанына 8-9 рет соққы берген. Салдарынан баланың бауыры жарылып, ішіне қан кеткен. Ер адам баланы өлімші халде балабақшаға апарып тастаған. Сәби балабақшадан ауруханаға жеткізілген. Бірнеше күннен кейін ол алған жарақаттарынан ауруханада жатып, қайтыс болды, – деп хабарлады соттың баспасөз қызметі.
Прокурор айыпталушыны 20 жылға бас бостандығынан айыруды сұрады.
Сот ер адамды өгей ұлын өлтіргені үшін кінәлі деп тауып, 20 жылға бас бостандығынан айырды. Сот үкімі әлі заңды күшіне енген жоқ.