Қазақстан Республикасы Үкіметінің 2024 жылғы 17 мамырдағы қаулысына сәйкес Маңғыстау облысының шекарасы өзгертілді, – деп хабарлайды Aikyn.kz.
Қаулы 2024 жылдың 2 маусымнан бастап күшіне енеді.
– Маңғыстау облысының шекарасы Қазақстан Республикасының Каспий теңізіндегі аумақтық суларының (теңізінің) ені мен аумақтық сулардың сыртқы шегін өлшеуге арналған негіздік сызықтар арасындағы жерлерді ( 1 638 837,5075 га) Маңғыстау облысының аумағына қосу жолымен өзгертілсін, – делінген құжатта.
Маңғыстау облысының шекарасына енгізілген өзгерістер:
- Маңғыстау облысының солтүстік шекарасы Атырау облысының әкімшілік бағынысындағы аумақтардың қолданыстағы шекаралары бойынша өтеді;
- Солтүстік-Шығыс шекара Ақтөбе облысының әкімшілік бағыныстағы аумақтарының қолданыстағы шекаралары бойынша өтеді;
- Оңтүстік шекара Қазақстан-Түрікмен мемлекеттік шекарасы бойынша өтеді;
- Оңтүстік-шығыс шекара Қазақстан-Өзбекстан мемлекеттік шекарасы бойынша өтеді;
- Батыс шекара Каспий теңізіндегі Қазақстан Республикасының аумақтық суларының (теңізінің) сыртқы шегі бойынша өтеді.
Маңғыстау облысындағы аумақтық сулар (теңіз) ені бойынша облыс шекарасынан бастап бастапқы сызыққа дейінгі аумақ мынадай:
- Ақтау қаласы бойынша 87171,2282 гектар;
- Бейнеу ауданы бойынша 81805,1200 гектар;
- Қарақия ауданы бойынша 513287,6044 гектар;
- Маңғыстау ауданы бойынша 150105,7313 гектар;
- Мұнайлы ауданы бойынша 49808,5611 гектар;
- Түпқараған ауданы бойынша 756659,2625 гектар.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.