"Қазгидромет" РМК Қазақстан аймақтарында 2024 жылғы 28 мамырда болатын қауіпті метеорологиялық құбылыстарға болжау консультациясын жариялады, деп хабарлады Aikyn.kz.
Қазақстан Республикасының батыс өңірлері ауқымды антициклон ықпалында болғандықтан, мұнда жауын-шашынсыз ауа райы күтіледі. Еліміздің қалған аумақтарында циклон және онымен байланысты атмосфералық фронттар әсерінен, әлі де тұрақсыз ауа райы сақталады, жаңбыр жауып, найзағай болады, түнде еліміздің солтүстік-шығысында, шығысында қатты жаңбыр, түнде Қазақстанның солтүстігінде, орталығында жауын-шашын, еліміздің шығысында жауын-шашын (жаңбыр, қар) жауады. Республика бойынша екпінді жел, солтүстікте, шығыста – бұршақ, дауыл, солтүстік-батыста, шығыста түнде тұман күтіледі.
Түнде Ақмола облысының батысында, солтүстігінде, шығысында, Ұлытау, Қарағанды, Ақтөбе облыстарының солтүстігінде, Солтүстік Қазақстан, Қостанай облыстарының батысында, оңтүстігінде Алматы облысының таулы аудандарында 1-3 градус үсік күтіледі.
Қостанай облысының оңтүстігінде, Атырау облысының батысында, оңтүстігінде, Қызылорда облысының шығысында, Батыс Қазақстан облысының батысында, оңтүстік-батысында жоғары өрт қаупі сақталады.
Жетісу облысының шығысында, Түркістан облысының шөлді аудандарында төтенше өрт қаупі сақталады.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.