Сейсенбі, 28 мамырда Қазақстанның екі боксшысы Бангкоктағы (Таиланд) Олимпиадаға іріктеу турнирінде өнер көрсетеді, - деп хабарлайды Aikyn.kz Sports.kz-ке сілтеме жасап.
Күндізгі сессияда 63,5 келіге дейінгі салмақта сынға түсетін боксшымыз Мұхаммедсабыр Базарбайұлы 1/16 финалда түрік боксшысы Мизан Айкөлмен жұдырықтасады. Олар төртінші жұп болып шаршы алаңға шығады, шамамен Астана уақытымен 11:45-те басталады. Жекпе-жектің тікелей трансляциясын Қазақстан бокс федерациясының Instagram желісінен көруге болады.
Кешкі сессияда қазақстандық боксшы Ұлжан Сәрсенбек өнер көрсетеді. 54 келіге дейінгі салмақта өнер көрсететін ол 1/16 финалдық кезеңде америкалық Шера Мэй Патрисиомен кездеседі. Бұл жекпе-жек сессиядағы екінші жекпе-жек болады және шамамен сағат 16:45-те басталады.
Естеріңізге сала кетейік, Бангкоктағы турнирде боксшылар Парижде (Франция) өтетін Олимпиада ойындарына қатысу құқығын беретін лицензия үшін сынға түсіп жатыр.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.